KATA YA LUWAITA MBINGA MJI YAPOKEA MRADI WA BARABARA KUTOKA AGRI- CONNECT LUWAITA ROAD KM 15.7

Tarehe ya kuwekwa: May 20th, 2021

Wakitoa taarifa katika kikao cha robo ya tatu, ya utekelezaji wa miradi ya maendeleo, mbele ya mwenyekiti wa baraza hilo Ndg Kelvin Mapunda, madiwani hao wamelieleza baraza hilo kuwa, kumekua na chanagamoto mbalimbali katika utekelezaji wa miradi maji ,barabara na umeme katika kata tofauti mjini humo.

Akijibu hoja ya changamoto ya maji katika kata ya mpepai mwakilishi  wa Ruwasa amesemakua tayari wataalam wameshafika eneo la mradi na matofari yamepelekwa eneo husika tayari kuanza ujenzi wa  mradi huo. Atahivyo mwenyekiti wa baraza hilo ameliwekea mkazo changamoto hiyo ya  maji kua  madiwani washirikiane na wataalamu kutoka Ruwasa ilikusaidia upatikanaji wa maji katika kata hizo.

Kwaupande wake Mkuu wa Wilaya ya Mbinga Mh Cosmas Nshenye ameongeza kuwa swala la maji ni moja kati ya changamoto ambazo pia zimekuwa zikiripotiwa katika ofisi yake, hususani katika usomaji mita. Atahivyo Mkuu huyo wa wilaya ametoa maelekezo kwa wataalamu katika balaza hilo kuwa, kuwe na kitabu cha kumbukumbu ambacho kitakuwa kikiwekwa saini na mteja mara baada ya kusoma mita  katika eneo husika ili kuepusha malalamiko yanayo jitokeza katika usomji wa mita za mji.                                                                                                                                                            

Kwaupande mwingine Mkuu  huyo wa wilaya amempongeza Diwani wa kata ya Luwaita, Ndg Laxford B. Ndimbo  na wananchi wa katahiyo kupokea mradi wa ujenzi wa barabara ya urefu wa  kilometa 15 ambapo katika mradi huo wananchi wa kata hiyo wamekubali kutoa maeneo yao pasipo kufidiwa ili kuarakisha maendeleo katika kata hiyo, kwa kuwa barabara hiyo imelenga  kuwarahisishia wakulima ususani katika usafirishaji  wa zao la kahawa.

Akitoa taarifa ya utambulisho  wa mradi huo Meneja wa TARURA Mbinga mji Eng Ismail Mafita amesema kuwa Serikali kupitia Wizara ya Kilimo TAMISEMI TARURA kushirikiana na wadau wa maendeleo EU itasadia kuboresha miundombinu ya barabara katika maeneo ya uzalishaji zao la kahawa kupitia mradi wa Agri-Connect. Awali katika mchakato huo ni Halmashauri mbili tu (Nyasa na Mbinga Mji ) katika Mkoa wa Ruvuma, ziliingia katika mchakato huo na Luwaita kuchaguliwa kuboresha miundombinu katika maeneo ya uzalishaji zao la kahawa.  

Katika kujibu changamoto ya gharama za kuweka umeme mwakilishi kutoka Tanesco Mbinga mji amefafanua kuwa kwa sasa gharama ni shilingi 27,000  tofauti na kiwango kilichokuwa kinatozwa awali cha 177,000 ambapo wateja awali waliolipia kiasi hicho hakito rejeshwa bali wataendelea kuwapa huduma.   

Na Makangury