ALIYE KUWA DC MBINGA COSMAS NSHENYE AKABIDHI OFISI.

Tarehe ya kuwekwa: June 30th, 2021

ALIYEKUWA DC MBINGA COSMAS NSHENYE AKABIDHI OFISI, 

Aliye kuwa Mkuu wa Wilaya ya Mbinga  Ndg Cosmas Nshenye amekabidhi rasmi Ofisi  kwa Mkuu mpya wa Wilaya ya Mbinga Bi Aziza Ally Mngosongo akitoa shukrani kwa Wakurugenzi na Wenyeviti wa Halmashauri zote mbili, kamati ya ulinzi na usalama, wakuu wa Idara, Maafisa tarafa  watendaji Kata. Kamati ya Siasa ya Wilaya Taasisi mbalimbali Wafanya biashara na Madhehebu ya Dini, Ndg Nshenye amewashukuru kwa ushirikiano mkubwa alioupata kutoka kwao na kuwa omba wanambinga kuendendeleza ushirikiano huo kwa Mkuu mpya wa Wilaya ili Mbinga iendelee kuwa juu kimaendeleo .

Aidha amesema hakumbuki ni wapi aliweza kukwazwa kutoka kwa Wakurugenzi wake bali kuwa sihii kufanya kazi kwa kushirikiana,  kwa kua ushirikiano ndio nguzo ya mafanikio katika Wilaya yao, na kwa namana moja au nyingine wayachukue yale mazuri  mema aliyo yafanya ili kudumisha amani na shikimanao katika Wilaya. “Kila ombi unalo omba huwa linapande mbili, kujibiwa au kutojibiwa hivyo, majibu ya aliekuwa Mkuu wa Wilaya ya Mbozi yalijibiwa kwa hitaji lake la kuhama katika Wilaya hiyo na Mimi Kuchukua nafasi hiyo baada ya kuhamishiwa Wilaya ya Mbozi” alisema Nshenye.

Ikumbukwe ivi karibuni Mh Rais wa Jamuhuri ya Muungano wa Tanzania Samia Suluhu Hassani alifanya uteuzi mpya na mabadiriko ya Wakuu wa  Wilya katika baadhi ya maeneo ambapo Bi Aziza Ally Mangosongo kuhamishiwa Wilaya ya Mbinga akitokea Newala na Ndg Cosmas Nshenye akihamishiwa Wilaya ya Mbozi Mkoani Songwe. Ata hivyo Bi Aziza Mangosongo amemtoa hofu Mkurugenzi wa Halmashauri ya Mji wa Mbinga ya kwamba wanawake wako juu na wanawake wanaweza na kuhaidi  kushirikiana na kuyaendeleza pale amabapo Nshenye ameishia ili Mbinga isonge mbele   

Kwaupande wake Mkurugenzi wa Halmashauri ya Mji wa Mbinga Bi Grace Quintine ameshukuru Mkuu wa Wilaya ya Mbozi Cosmas Nshenye kwa kuashirikiano wake kwa wanambinga na kumwomba Mkuu huyo wa Wilaya kukaribia tena na tena kwa kwakua kwa sasa hapa Mbinga  ni nyumbani, na kuhaidi kumpa ushirkiano Bi Aziza Mangosongo Mkuu mpya  wa Wilaya ya Mbinga . Nae  Mwenyekiti Kamati ya Siasa Ccm Wilaya  Ndg Beda Hyera amesema ana imani na Bi Aziza Mangosongo na kwamba viatu vya Cosmas Nshenye vitamtosha na tutaweza kukimbia kwa pamoja  katika mbio hizi za kuleta maendeleo na kuhakikisha kufikia hazima ya Ilani ya chama cha Mapinduzi

Na Makangury