BARAZA LA MADIWANI MBINGA MJI LAPITISHA BAJETI YA BIL. 34.5 KWA MWAKA WA FEDHA 2025/26

Tarehe ya kuwekwa: February 19th, 2025

Mbinga. Baraza la Madiwani Halmashauri ya Mji wa Mbinga  kwa kauli moja limepitisha rasimu ya Bajeti ya Shilingi bilioni 34.5 kwa mwaka wa fedha 2025/2026.

Bajeti hiyo imetangazwa februari 18, 2025 katika kikao cha Baraza la madiwani kilichoketi kujadili na kuidhinisha mapendekezo ya bajeti na  kusomwa na Kaimu Mkuu wa kitengo cha Mipango  Halmashauri ya Mji wa Mbinga Bw. Charles Yapesa.

Bw. Yapesa ameeleza bajeti hiyo imebanisha vipeumbele 15, ikiwemo kuongeza makusanyo ya mapato ya ndani kwa kusimamia kikamilifu vyanzo vya mapato vilivyopo na kuibua vyanzo vipya, kuimarisha dhana ya Utawala bora kwa kusimamia utoaji bora wa huduma na kuzuia Rushwa.

Pamoja na kuboresha utoaji wa huduma za afya kwa kuimarisha miundombinu iliyopo na kuendeleza ujenzi wa  majengo mapya,kuboresha upatikanaji wa dawa na kuongeza wataalam.

Mwenyekiti wa Halmashauri ya Mji wa Mbinga Mhe. Kelvin Mapunda amemshukuru Mkuu wa Wilaya ya Mbinga Mhe. Kisare Matiku Makori kwa kuwaongoza vyema na kufanikiwa kuweza kuongeza mapato mengi ndani ya Halmashauri ya Mji wa Mbinga.

“Nimpongeze Mkurugenzi wetu na wataalam wake kwa kuweza  kutuonesha dira kupitia maelekezo ya Mkuu wa Wilaya na vyanzo vyetu vya ndani tumeweza kuongeza mapato” alisema Mhe. Mapunda

Mhe. Mapunda ameongeza kuwa katika usimamizi wa miradi Halmashauri imejipanga kukamilisha na kumaliza miradi kwa wakati na ubora.

Nae, Mkuu wa Wilaya ya Mbinga Mhe. Kisare Matiku Makori ametoa pongezi kwa Halmashauri ya Mji wa Mbinga kwa ukusanyaji mzuri wa mapato na usimamizi  wa miradi.

“Pamoja na usimamizi mzuri wa miradi yetu ili tuakikishe inaisha kwa wakati” alisisitiza Mhe. Makori