Kamati ya Fedha Halmashauri ya Mji Mbinga yapongeza Usimazi wa Miradi ya Maendeleo

Tarehe ya kuwekwa: May 10th, 2023

Kamati ya Mipango na fedha ya Halmshauri ya Mji wa Mbinga mkoani RUVUMA imefanya ziara ya ukaguzi wa miradi ya maendelo katika Baadhi ya kata, ikiwa ni sehenu ya utekelezaji wa majukumu yao ya kusimamia na kutoa maelekezo ili kuleta ufanisi na ubora wa kazi zinazo fanyika katika  miradi hiyo.

Katika Ziara hiyo kamati iliambatana na Mkurugenzi Mtendaji Bi Grace Quintine pamoja na wataalamu kutoka idara za Elimu, Afya ,Ukaguzi wa Ndani na Mhandisi.  

Baadhi ya miradi iliyotembelewa ni pamoja na Ujenzi wa Vyumba vitatu vya Madarasa Shule ya Msingi Kitangali na ujenzi wa Zahanati katika kijiji cha Kihuka kata ya Luwaita.

Hata hivyo Kamati ilipata muda wa kutembelea Ujenzi wa maabara  za Shule za Sekondari zinazojengwa katika kata za Kilimani na Luhuwiko.

Ikumbukwe kuwa baadhi ya Miradi hiyo inatekelezwa na fedha kutoka Serikali kuu na mingine Mapato ya Ndani sambamba na nguvu za wananchi.

Aidha Kamati imeridhia maendeleo ya Ujenzi unaoendelea katika kata hizo hivyo kuendelea kutoa maelekezo na msisitizo katika kuhakikisha ujenzi huo unamalizika kwa wakati Sambamba na kupongeza Mkurugenzi Mtendaji  wa Halmashauri Bi Grace Quintine  pamoja na timuyake ya watalaamu.

Na Ofisi ya Mkurugenzi kitengo cha Mawasiliano Serikalini 

                  Halmashauri ya Mji wa Mbinga