MAANDALIZI YA MTIHANI WA DARASA LA SABA MBINGA MJI YAMEKAMILIKA KWA ASILIMIA 98

Tarehe ya kuwekwa: September 10th, 2024

Na Erasto George

Mbinga. Afisa Elimu wa Awali na Msingi wa Halmshauri ya Mji wa Mbinga Maurus Ndunguru akizungumza kwa niaba ya Mkurugenzi wa Halmashauri ya Mbinga Mji Bi. Amina Seif amesema maandalizi kwaajili ya mtihani wa darasa la saba ndani ya Halmashauri hiyo yamekamilika kwa asilimia 98.

Bw. Ndunguru ameongeza kuwa Halmshauri ya Mji wa Mbinga ina shule 86 za awali na msingi, kati ya hizo 76 ndizo zitakuwa na watahiniwa ambapo jumla ya watahiniwa ni 3,643 huku wavulana wakiwa 1,567 na wasichana 2,076.

Watahiniwa 3,456 wamesajiliwa kutoka shule zinazofundisha masomo kwa lugha ya Kiswahili na watahiniwa 180 wamesajiliwa kutoka shule zinazofundisha masomo kwa lugha ya kiingereza na watahiniwa 7 ambao wana uoni hafifu.

“Maandalizi yamekamilika kwa asilimia 98 kinachosubiriwa ni watahiniwa kuingia kwenye mtihani” amesema Ndunguru.

Aidha, amewatakia kila la heri wanafunzi wote wanaokwenda kufanya mtihani yao.

“Wanafunzi wetu tumewaanda kwa muda mrefu kwahiyo wajiamini na kwenda kufanya mtihani vizuri na Mungu awatangulie” amesema Bw. Ndunguru.