MAKARANI WAONGOZAJI WAPIGA KURA 16 KATA YA UTIRI WAAPISHWA

Tarehe ya kuwekwa: March 16th, 2024

Na Alex Nelson Malanga

Afisa Habari----Mbinga TC

Mbinga. Msimamizi wa uchaguzi Jimbo la Mbinga Mji Bi. Amina Hamis Seif leo Machi 16, 2024 amewaapisha makarani waongozaji wapiga kura 16 kwaajili ya uchaguzi mdogo katika kata ya Utiri. 

Uapisho wa makarani hao ulifanyika katika  ukumbi wa mikutano wa Oddo Mwisho uliopo katika Halmashauri ya Mji wa Mbinga, mkoa wa Ruvuma.

Uchaguzi mdogo katika kata ya Utiri, unaotarajiwa kufanyika Machi 20 mwaka huu, unafuatia kujiuzulu kwa aliyekuwa diwani wa kata hiyo Bw. Tedrick Komba mwishoni mwa mwaka jana kwa masuala ya kikazi.

Wagombea watatu wanachuana katika uchaguzi huo.

Wagombea hao ambao ni Bi. Herswida Sines Komba (CCM), Awadhi Athuman (UMD) na Abdallah Boniface Ngonyani wa Demokrasia Makini, Machi 4, 2024 walirudisha fomu za kugombea nafasi hiyo.