Mfumo Mpya wa Tausi wa Ukusanyaji mapato, Utasaidia kupunguza Hoja za Mkaguzi wa Hesabu za Serikali katika Halmashauri zote Nchini

Tarehe ya kuwekwa: February 12th, 2023

 Wakurugengenzi Mkoani Ruvuma wa takiwa kuhakikisha wanasajili pos zote kwenye mfumo mpya wa Tausi  na makusanyo ya fedha zote zinapelekwe benki, rai hiyo imetolewa na Mkurugenzi wa Halmashauri ya Mji wa  Mbinga   Bi; Grace Quintine ambae pia ni Mwenyekiti wa Wakurugenzi Mkoani humo  alipokuwa akifunga Semina ya Mafunzo  ya Mfumo mpya wa ukusanyaji mapato uitwao Tausi

Bi Grace amesema mfumo huo ni rafiki kama alivyo ndege tausi ambapo kwa namna moja au nyingine utaweza kusaidia  kutatua chanagamoto za  ukusanyaji wa mapato sambamba na kupunguza hoja za Mkaguzi wa nje wa Hesabu za Serikali, hata hivyo amewataka Wakurugenzi kuwa tayari kuacha kutumia mfumo ule wa zamani wa LGRCIS ambapo awali mfumo huu umekuwa ukileta changamoto ya hoja ya Mkaguzi kwa  fedha ambazo hazija wekwa benki.

Kwa upande mwingine Bi Grace amemshukuru  Rais wa Jamhuri ya Muungano wa Tanzania Mhe; Samia Suluhu Hassani kwa kukubali kuletwa na kuruhusu kutumika kwa mfumo huo katika Halmashauri zote nchini, ambapo kwa sasa mfumo huo utaleta tija katika ukusanyaji wa mapato ya ndani. Amesema wahasibu sasa wanalo jukumu la kuwasimamia wakusanyaji mapato kupitia mfumo na kwamba makusanyo yote kuwekwa benki kabla hujaendelea na makusanyo mengine, kwa maana mfumo wa sasa hautakuruhusu kuendelea makusanyo mengine.

Akitoa neon la shukrani kwa niaba ya washiriki wa mafunzo hayo Mwekahazina Wilaya Songea Bi Hadija Boffu amesema wanaishukuru serikali kwa kupata mafunzo hayao kwa maana ya kujifunza mfumo mpya wa ukusanyaji mapatao Tausi  ambapo amesema mfumohuo utasaidia kupunguza changamoto walizo kuwa wakaizipata katika mfumo ule wa awali na kwenda kufanya kazi na kuutumia mfumo huo kukusanya kawa tija katika Halmashauri zao.

Na Makangury