MHE. KELVIN MAPUNDA; WATENDAJI KATA NA MADIWANI KASIMAMIENI MIRADI

Tarehe ya kuwekwa: September 2nd, 2024

Na Erasto George

Mbinga. Mwenyekiti wa Halmashauri ya Mji wa Mbinga Mhe. Kelvin Mapunda  amewataka watendaji kata kushirikiana na Madiwani kuendelea kusimamia miradi yote ili iweze kukamilika kwa wakati.

Mhe. Mapunda amesema Katika Halmashauri hiyo kuna miradi mbalimbali kama ya Ujenzi wa Zahanati, Madarasa na Ofisi.

“Waheshimiwa Madiwani tusiwaachie watendaji kata pekee yao tuungane nao pamoja na Wananchi kukamilisha miradi yote,” alisisitiza Mhe. Mapunda.

Ameongeza kuwa katika kikao cha kwanza cha baraza la madiwani mwaka 2024/25 kata zote zinatakiwa kuleta taarifa za utekelezaji wa miradi na changamoto zilizopo katika miradi hiyo.

“Jambo hili la kutoa taarifa za maendeleo ya miradi kila kata litaendelea  kila kikao cha baraza hadi pale tutakapofunga baraza la madiwani” alisema Mhe. Mapunda.