Mkurugenzi Halmashauri ya Mbinga Mji Asaini Mkataba wa Lishe

Tarehe ya kuwekwa: October 26th, 2022

Udumavu wa akili imeonekana ni adui  maradhi yanayo sababishwa na kutokuwa na lishe bora katika jamii inayo tuzunguka hususani kwa watoto walio chini ya miaka 5 ambapo mpaka sasa imefikia asilimia 41 katika Halmashauri ya Mji wa Mbinga .

 Katika kusimamia na kukabiliana na chanagamoto hii Rais wa Jamhuri ya Muungano wa Tanzania Mhe. Samia Suluhu Hassani amewakasimisha wakuu wa Mikoa na Wilaya kwa kusaini mikataba ya lishe, ambapo Halmashauri ya Mji wa Mbinga ni miongoni mwa Halmashauri nane zilizo saini nyongeza ya Mkataba wa lishe  kwa miaka mitano  inayoanzia Julai 2021 hadi Juni 2026.

Halmashauri imetenga kiasi cha Tsh milioni 23,971,000 kwa watoto 21,452 sawa na wastani wa  Tsh 1,117 kwa kila mtoto, ambapo fedha hizo zitatumika katika utekelezaji wa  afua mbalimbali za lishe katika kata,mitaa na vijiji vya Halmashauri hiyo

Akisaini mkataba huo na Mkurugenzi wa Halimashauri hiyo Mkuu wa Wilaya ya Mbinga Mhe Aziza Ally Mangosongo amaesema uwekaji saini mikataba hii kwa ngazi ya Halmashauri itasaidia katika utekelezaji wa afua za lishe katika kata mitaa na vijiji kubaini changamoto za udumavu kwa watoto  sambamba na upatikanaji wa taarifa sahihi za kiafya katika Halmashauri hiyo 

Kwa upande wake Mkurugebzi Mtendaji wa Halmashauri hiyo Bi Grace quintine amewasistiza maafisa lishe na watendaji ambao wame saini mikataba hiyo kuendelea kutoa elimu juu ya matumizi ya chumvi na namna ya kuhifadhi ili kuepuka kupoteza madini joto ambayo husaidia lishe na afya katika Mwili wa mwanadamu .

Uwekaji saini wa Mikataba hiyo umeenda sambamba na maadhimisho ya lishe katika Halmshauri hiyo ambapo maadhimisho hayo yamefanyika kata ya kitanda kijiji cha miembeni, wakati  Mkuu wa Wilaya akiwa mgeni rasmi katika maadhimisho hayo. Mhe; Aziza ameendelea kuwasistiza wananchi kubadili mitindo ya amaisha kwa kuzingatia lishe bora, wakina mama kunyonyesha watoto kwa kufuata kanuni za afya, sambamba na  kushiriki katika kufanya mazoezi 

Akitoa taarifa ya Lishe katika maadhimisho hayo Afisa Lishe  wa Halmashauri hiyo Bi sheila Mbike amesema pamoja na changamoto ya maadui maradhi ya Udumavu wa akaili na magonjwa yasiyo  ya kuambukiza elimu bado inaendela kutolewa katika ngazi za kata mitaa  na vijiji hivyo kuwaomba wananchi kuzingatia ushauri unaotolewa na wataalamu wa afya,kubadili mitindo ya maisha kwa kuzingatia lishe bora ambapo kwa sasa udumavu umefikia slimia 41 kwa watoto chini ya miaka mitano.

Na Makangury