MWENGE WA UHURU WATUA MBINGA MJI

Tarehe ya kuwekwa: June 13th, 2024

Na Alex Nelson Malanga

Afisa Habari----Mbinga Mji

Mbinga. Ni vifijo na nderemo kwa wakazi wa Halmashauri ya Mji wa Mbinga kufuatia kuwasili kwa Mwenge wa Uhuru katika Halmashauri yao mapema hii leo.

 Mwenge wa Uhuru uliwasili Mbinga Mji leo majira ya saa 2.37 asubuhi na aliyeupokea ni Mkuu wa Wilaya hiyo Mhe. Kisare Matiku Makori.  

Mhe. Makori alikabidhiwa Mwenge huo na Mkuu wa Wilaya ya Nyasa Mhe. Peres Magiri  mara baada ya kuwasili katika kijiji cha Mhekela kilichopo katika kata ya Kilimani.

Mwenge wa Uhuru utatembelea miradi nane.

Miradi hiyo ni ule wa Hospitali ya Halmashauri ya Mji wa Mbinga unaohusisha ujenzi wa jengo la wagonjwa wa nje (OPD), upasuaji na maabara, na mradi wa ujenzi wa madarasa mawili ya shule ya Msingi Myangayanga.

Miradi mingine ni ule wa maji uliopo kijiji cha Utiri, shamba la mbegu bora za miti lililopo kata ya Utiri, pamoja na Kiwanda cha kukoboa kahawa (MCCCO)

Pia timu ya Mwenge wa Uhuru itakagua shughuli za lishe katika kata ya Muyangayanga, itagawa vyandarua kwa wazee, mama wajawazito na mama wenye watoto chini ya miaka mitano pamoja na kuzindua klabu ya wapinga rushwa iliyopo shule ya sekondari Mbinga.

Katika muktadha huo, Mwenge utakimbizwa umbali wa kilometa 140.

Kwa mwaka huu, Mwenge wa Uhuru ulizinduliwa Aprili 2, 2024 mkoani Kilimanjaro na Waziri Mkuu wa Jamhuri ya Muungano wa Tanzania Mhe. Kassim Majaliwa.

 Kwa mara ya kwanza nchini Mwenge wa Uhuru uliwashwa mwaka 1961 na kupandishwa juu ya kilele cha Mlima Kilimanjaro na Luteni Kanali Alexander Nyirenda.

Siku hiyo, Hayati Baba wa Taifa, Mwalimu Julius Kambarage Nyerere alisisitiza umuhimu wa kuijenga Tanzania yenye umoja, mshikamano na upendo miongoni mwa