RAIS DKT. SAMIA AWAHIMIZA WAKULIMA WA WILAYA YA MBINGA KUUZA MAZAO YAO KATIKA VITUO VYA NFRA

Tarehe ya kuwekwa: September 26th, 2024

Na Erasto George

Mbinga. Rais wa Jamhuri ya Muungano wa Tanzania Mhe. Dkt. Samia Suluhu Hassan amewahimiza wakulima wa Wilaya ya Mbinga kuuza mazao yao katika vituo vya NFRA ili waweze kupata faida.

Mhe. Dkt. Samia Suluhu Hassan ameyasema hayo Septemba 25, wakati akizungumza na wakazi wa Halmashauri ya Mji wa Mbinga alipotembelea Soko la mazao ndani la Halmashauri hiyo.

“Viongozi wa Wilaya nendeni kwa wakulima mkawaelimishe kuhusu hatua zilizochikuliwa na Serikali kuwasaidia wakulima na kwanini wasiuze mazao kwa walanguzi na wapeleke kuuza katika vituo vya NFRA” amesema Rais Dkt. Samia Suluhu Hassan

Aidha, Mhe. Dkt. Samia Suluhu Hassan ameongeza kuwa wananchi wakiuza mazao yao katika vituo vya NFRA itawanufahisha wakulima kupata faida na kuweka akiba.