Rc Ruvuma; Tusiishie kupanda miti tu tupande miti na kuitunza ili iwe na tija katika miji yetu

Tarehe ya kuwekwa: January 13th, 2023

Upandaji miti ni jambo la kila mwanachi  katika jamii inayo tuzunguka ili kuweza kuyatunza mazingira, kuongeza  kipatao na kukuza uchumi wa nchi. Ayo yamesemwa na Mkuu wa Wilaya ya Mbinga Mhe Aziza Ally Mangosongo alipokuwa akitoa taarifa ya hali ya misitu,Mashamba ya Miti na upandiji wa miti katika kutunza mazingira kwa Mkuu wa Mkoa wa Ruvuma Mhe: Kanali Laban Elias Thomas mara baada ya kuwasili katika Shule ya sekondari Luhuwiko ilioko  kata ya Luhuwiko Halmashauri ya Mji wa Mbinga kwa lengo la kupanda miti

Mhe; Aziza amesema Halmashauri zote mbili zina misitu ya hifadhi ya asili mitano na mashamba ya miti yapatayo tisa,Sambamba na uwepo wa mashamba na hifadhi ya misitu ya asili  katika swalazima la ulinzi wa misitu na vyanzo vya maji, Wilaya wakishirikiana na TFS wameweka mikakati ya kuwaondoa wavamizi katika  hifadhi za misitu hususani  Amani Mkolo na katika vyanzo vya maji ikiwa ni maagizo ya mawaziri wa kiseckta katika kulinda na kuhifadhi mazingira.

“Zoezi la upandji miti ni mwendelezo wa maagizo yako ambayo uliyatoa siku ya uzinduzi wa  upandaji miti Kimkoa  tarehe 2/1/2023 hata hivyo upandi huu wa miti katika Shule ya Luhuwiko ni kielelezo cha upandaji miti katika Wilaya ya Mbinga ambao utaenda sambamba na ugawaji wa miche ya miti ya kibiashara na miche rafiki ya maji  zaidi ya Laki mbili” alisema Mhe; Aziza Ally Mangosongo Mkuu wa Wilaya ya Mbinga. 

Na Makangury