Utekelezaji wa Miradi Mbinga mjini waanza kwa kasi nzuri

Tarehe ya kuwekwa: March 28th, 2018

Halmashauri ya Mji wa Mbinga kwa sasa inatekeleza Miradi Mikubwa Mitatu ambayo ni Mradi wa Ujenzi wa Jengo la Ofisi za Halmashauri ya Mji, Mradi wa Maji Kijiji cha Kagugu na Kijiji cha Maganagana. Miradi hiyo itagharimu jumla ya Tshs 3,835,299,117.00/= (Bilioni Tatu Milioni Mianane Thelasini na Tano Laki Mbili Tisini na Tisa Mia Moja Kumi na Saba na Senti Sifuri).

Mradi wa Ujenzi wa Ofisi za Halmashauri (Jengo la Utawala) utagharimu jumla ya Tshs. 2,983,122,246.00/= na Ujenzi huo unafanywa na Mkandarasi ambaye ni JESHI LA KUJENGA TAIFA IDARA YA UJENZI S.L.P 215 MTWARA atakayefanya kazi hiyo ndani ya Miezi Kumi na Mbili (12) kama ilivyosainiwa kwenye Mkataba Tarehe 08,February 2018 na Mkandarasi anayesimamia Ujenzi huo ni BUREAU FOR INDUSTRIAL COOPERATION S.L.P 35131 DAR ES SALAAM. Ujenzi upo katika Hatua ya Awali ya Usafishaji wa Eneo la Ujenzi, usogezaji wa Malighafi mbalimbali za Ujenzi kama Vile Kokoto, Mchanga, Nondo, Simenti n.k. Wananchi wa Mji wa Mbinga wategemee kupata huduma Bora na za Haraka za Kiutawala mara tu Mradi utakapokamilika kwani kwa kujengwa Jengo hilo, Takribani Ofisi zaidi ya 19 za Idara na Vitengo  zitapatikana pamoja na hivyo itasaidia kuondoa usumbufu wa kutembea kwenda Ofisi za Idara mbalimbali ambazo kwasasa hazipo sehemu moja kutokana na ufinyu wa Ofisi zilizopo eneo la Utawala.

Halmashauri pia kwa kujali mahitaji ya Wananchi wake inatekeleza Ujenzi wa Miundombinu ya Maji Kijiji cha Kagugu na Maganangana ambapo Mradi wa Kagugu utagharimu Tshs 493,059,575.00/= na Mkandarasi anayefanya kazi hiyo ni OVANS CONSTRUCTION CO LTD S.L.P 170, MBINGA ikiwa Mradi wa Maji Kijiji cha Maganagana utagharimu Jumla ya Tshs 246,045,240.00/= na kazi hiyo inafanywa na Mkandarasi SIVIKWA COMPANY LTD S.L.P 532, MBINGA. Miradi hiyo ya Maji kwa Ujumla inatarajiwa kukamilika ndani kipindi cha Miezi Mitatu Toka Mikataba Iiposainiwa Tarehe 07 Machi 2018. Hatua iliyofikiwa na Miradi hiyo kwasasa ni pamoja na Usafishaji wa Maeneo ya Ujenzi wa Matenki, Kuandaa Kokoto, na Ufyatuaji wa Tofari.