WANANCHI WAKOSHWA NA UTEKELEZWAJI WA ILANI

Tarehe ya kuwekwa: August 7th, 2024

Na Alex Nelson Malanga

Afisa Habari---Mji Mbinga

Mbinga. Wananchi wa Wilaya ya Mbinga wameipongeza serikali kwa utendaji kazi mzuri katika kila sekta chini ya usimamizi wa Mkuu wa Wilaya hiyo Mhe. Kisare Matiku Makori.

Hayo yalisemwa jana (Agosti 6) na Mwenyekiti wa CCM-Mkoa wa Ruvuma Bw. Oddo Mwisho wakati wa kikao cha kamati ya siasa ya Mkoa na wataalamu wa Halmashauri za Mji wa Mbinga na Wilaya ya Mbinga pamoja na wakuu wa taasisi zilizopo wilayani humo.

"Wananchi wanapopata imani toka kwa viongozi wao wa serikali itasaidia chama kuweza kupata ridhaa kwa wananchi wakati wa uchaguzi," alisema Bw. Mwisho.

“Kila kona ya Wilaya ya Mbinga, wananchi wanampongeza Mh. Rais Dkt. Samia Suluhu Hassan kwa kuwapelekea fedha kwaajili ya utekelezaji wa miradi ya maendeleo katika sekta mbalimbali.”

Lengo la ziara ya kamati ya siasa kwenye kata zote za Wilaya ya Mbinga ni kufuatilia utekelezaji wa ilani ya chama cha Mapinduzi na kusikiliza kero za wananchi ili zipatiwe majibu.