Afisa tarafa Mbinga Mji akabidhi msaada kituo Cha watoto yatima

Tarehe ya kuwekwa: December 31st, 2024

Mbinga. Afisa Tarafa wa Halmashauri ya Mbinga Mji Bi. Apsa Ally Rashid amekabidhi msaada wa vyakula, vinywaji na vifaa mbalimbali  katika kituo cha watoto yatima cha mtakatifu Katharina kilichopo katika halmashauri hiyo akimwakilisha Mkuu wa Wilaya ya Mbinga Mhe. Kisare Matiku Makori.

Msaada huo uliotolewa ni mchele, unga wa ngano, sabuni, sukari, juisi na mbuzi kwaajili ya nyama katika kusherekea sikukuu ya mwaka mpya.

Nae msimamizi wa kituo hicho Sister(SR) Julietha Kitarika ameshukuru kwa msaada uliotolewa kituoni hapo kwaajili ya kusherekea sikukuu ya mwaka mpya.

Amebainisha kuwa  kituo hicho kina watoto 43 ambapo  watoto wa kiume ni 19 na wakike 25.

Hatua ya kutembelea kituo hicho ni kutekeleza agizo la Mhe. Rais wa Jamhuri wa Muungano wa Tanzania Dkt. Samia Suluhu Hassan ya kutoa zawadi kwa makundi maalum katika kipindi hiki cha sikukuu za krismas na mwaka mpya.