Kaimu Mkurugenzi Mbinga Mji awataka wenyeviti Serikali za mitaa kuwa waadilifu na wazalendo

Tarehe ya kuwekwa: December 20th, 2024

Kaimu Mkurugenzi Halmashauri ya Mji wa Mbinga Bw. Kung’e Nyamulye kung’e amewataka Wenyeviti wa Mitaa, Vijiji na Vitongoji kuwa waadilifu na wazalendo katika kutekeleza majukumu na kushirikiana ili kuwaleta maendeleo kwa wananchi.

Rai hiyo imetolewa na Bw. Kung’e alipokuwa akifungua mafunzo ya kuwajengea uwezo wenyeviti wa Mitaa, Vijiji na Vitongoji ilifanyika katika ukumbi wa kanisa katoliki jimbo kuu la Mbinga. 

Mafunzo hayo yalihudhuriwa na baadhi ya wakufunzi kutoka chuo cha Serikali za Mitaa Homboro kutoka Dodoma na baadhi ya vyombo vya ulinzi na usalama vya Wilaya ya Mbinga.