Kamati Za MTAKUWWA ngazi za Kata/Mitaa zaendelea kunolewa.

Tarehe ya kuwekwa: July 31st, 2025

Mbinga: Kamati za Mpango wa Taifa wa kutokomeza ukatili Dhidi ya Wanawake na Watoto ngazi ya kata na Mitaa,Halmashauri ya Mji wa Mbinga zimeendelea kunolewa ili kuwaongezea uwezo katika kutekeleza majukumu yao.

Mafunzo hayo yamefanyika leo Tar 31 Julai,2025 katika ukumbi wa Jumba la Maendeleo lilipo Kata ya Mbinga Mjini. Akiyaongoza mafunzo hayo Mratibu wa MTAKUWWA ngazi ya Halmashauri Bi Upendo Kakwembe ameelezea umuhimu wa kila mwananchi kuelewa  dhana ya ukatili ili kuweza kuepukana na madhara yanayoweza jitokeza pindi ukatili wa kijinsia unapoikumba Jamii.

Naye Mkurugenzi wa Shirika la Nafuu ya Jamii Tanzania (NAJATA) Bw. Alkadi Alatori Mapunda Ameelezea umuhimu wa Mradi unaofadhiliwa na LSF katika kuongeza sauti ya mwanamke na kumkinga dhidi ya ukatili wa Kijinsia.

Wajumbe wa Kamati za Mtaa na Kata MTAKUWWA wamefurahi na kushukuru kwani kuendelea kupokea mafunzo hayo inasaidia kupunguza vitendo vya Ukatili na kuongeza uelewa katika Jamii.