M/ kiti na Kamati yake ya Fedha mbinga Mji, wakagua ujenzi wa Zahanati na Vituo vya Afya katika kata za Mbangamao , Myangayanga , Kagugu, na Kilimani

Tarehe ya kuwekwa: January 28th, 2023

Kamati ya fedha na mipango Halmashauri ya Mji wa Mbinga  leo imefanyaa ziara na kukagua  miradi ya vituo cha afya kata ya Myangayanga na Mbangamao, na  miradi miwili ya Zahanati katika kata ya Kagugu kijiji cha Makatani na kata ya kilimani kijiji cha kitelea.

 Zaidi ya kiasi cha fedha shillingi milioni 671.71 zinatarajia kutumika katika ujenzi wa Miradi hiyo ambapo kiasi cha shilingi milioni 550 zinatoka serikali kuu na kiasi cha shilingi milioni 43.67 ni michango ya wananchi na wadau wa maendeleo huku Halmashauri kichangia kiasi cha shilingi milioni 26.1 kutoka mapato ya ndani  katika Zahanati ya kagugu kijiji cha Makatani na kiasi cha shilingi milioni 51.94  Kituo cha afya cha Mbangamao      

Akipokea taarifa kwa  nyakati tofauti za utekelezaji wa miradi hiyo, Mwenyekiti wa kamati hiyo ambae pia Mwenyekiti wa Halmashauri ya Mji wa Mbinga Mhe. Kelvin Mapunda amewapongeza wananchi katika kata hizo kwa kuhamasika kujitoa katika ujenzi unaoendelea katika kata zao, na kuwaomba waendele na moyo huo wa kizalendo kwa kuwa miradi hiyo ni yao, hivyo hawana budi kushiriki na kushirikishwa kikamilifu.   

Aidha amewakata watendaji kuainisha ushiriki wa nguvu za wananchi, wadau  na viongozi katika taarifa za miradi hiyo, ili kuendelea kuleta hamasa kushiriki katika miradi mingine. Sambamba na hilo wajumbe katika kamati hiyo ambao pia ni baadhi ya Waheshimiwa Madiwani  wamepongeza hatua zilizofikiwa katika ujenzi wa Miradi hiyo ,pamoja na changamoto zilizopo katika kukamilisha miradi hiyo wajumbe hao wa kamati wamesisitiza kamati za ujenzi katika miradi hiyo kumaliza ujenzi kwa wakati

Kwa upande wao baadhi ya viongozi wa chama cha Mapinduzi CCM na wananchi waliyo hudhulia katika ziara hiyo, wameishukuru Serikali inayoongozwa na  Mhe. Rais Samia Suluhu Hassan kwa kuwaletea fedha ili kuweza kufanikisha miradi hiyo katika kata zao. Aidha wamewapongeza baadhi ya viongozi wakiwemo waheshimiwa Madiwani wa kata hizo, Mbunge wa jimbo la Mbinga Mjini Mhe. Jonas Mbunda, Mwenyekiti na Mkurugenzi wa Halmashauri ya Mji wa Mbinga Bi Grace Quintine katika kufanikisha upatikanaji na usimamizi wa miradi hiyo.

Na Makangury