MAADHIMISHO SIKU YA WANAWAKE YAFANA RUVUMA

Tarehe ya kuwekwa: March 9th, 2025

Ruvuma. Mkuu wa Wilaya ya Mbinga, Mhe. Kisare Matiku Makori amewaongoza mamia ya Wanawake mkoa wa Ruvuma kuadhimisha siku ya wanawake duniani ambayo kimkoa yamefanyika katika uwanja wa Majimaji Songea mjini.

Akimwakilisha Mkuu wa Mkoa wa Ruvuma, Kanali Ahmed Abbas Ahmed, Mhe. Makori amesema maadhimisho hayo ni moja wapo ya mkakati wa Serikali kukuza usawa wa kijinsia na uelewa wa jamii kuhusu maswala mbalimbali ya wanawake.

Amewataka wanawake kutoa taarifa wanapokutana na matukio ya unyanyasaji au ukatili wa aina yoyote na akiitaka jamii kuendeleza ushirikiano wa kutoa elimu na kupinga ukatili.

Aidha, Mhe. Makori ametoa wito kwa wanawake wote wenye uwezo kujitokezea kugombea nafasi mbalimbali katika uchaguzi mkuu wa mwaka huu.

“Pia tujitokeze katika Uchaguzi wa mwaka huu kuchagua viongozi wanaowajali wanawake na kuliletea taifa maendeleo” alisema Mhe. Makori

Kwa upande mwingine,  Mwenyekiti wa CCM Mkoa wa Ruvuma Oddo Mwisho amesema mwaka huu ni mwaka wa uchaguzi wanawake wanazo fursa za kugombea muweze kuingia kwenye vyombo vya maamuzi.