MAAMBUKIZI VVU MKOA WA RUVUMA YASHUKA KWA 2%

Tarehe ya kuwekwa: December 1st, 2022

Kauli hiyo imetolewa leo Disemba moja  na Mkuu wa Wilaya ya Mbinga,

Mhe Aziza Ally Mangosongo kwaniaba ya Mkuu wa Mkoa wa Ruvuma katika maadhimisho ya siku ya mapambano ya Ukimwi Duniani, ambapo kimkoa maadhimisho hayo yamefanyika katika kijiji cha Luwaita  kata ya Luwaita Halmashauri ya Mji wa Mbinga.

kauli mbiu ya maadhimisho hayo kwa mwaka huu inasema “Imarisha Usawa” Mhe. Aziza amaesema kauli mbiu hii inatupa muongozo wa kutenda haki bila kujali jinsia, rangi, mahali mtu anapo toka au dini yake na kusistiza kuwajali wote wenye Vvu  na  Ukimwi na kutowatenga, sambamba na hayo amewataka watoahuduma kutoa huduma kwa ueledi kama kauli mbiu inavyo sema.

Hata hivyo  Mhe. Aziaza ametoa wito kwa wadau wote kuwa na mikakati ya upimaji wa hiyari na kuwaanzishia matibabu walewote watakao bainika kuwa na maambukizi ya Vvu. Mkoa wa Ruvuma unajielekeza kufanya tathmini ya hali ya maambikizi  na mikakati ya kuwahudumia watu walioathirikia na Ukimwi na kuwakumbuka waliotutoka  kutokana na ugonjwa huo.  

 Pamoja na kushuka kwa amaambukizi kimkoa,ambapo kwa sasa maambukizi yameshuka kutoka 7% 2012 hadi 5% 2016  bado, kiwango cha maambukizi kitaifa siokizuri kwa kufikia asilimia 4.7 vyo inatulazimu kuendelea kujikumbusha dhidi ya mikakati ya mapambano ya Vvu na kutoa wito kwa watakao bainika na vvu kutokimbia matumizi ya dawa mara baada ya kupata unafauu wa kiafya.   

Na Makangury