MBINGA MJI WAADHIMISHA MUUNGANO KWA KUFANYA USAFI

Tarehe ya kuwekwa: April 25th, 2024

Na Alex Nelson Malanga

Afisa Habari---Mbinga Mji

Mbinga. Kuelekea maadhimisho ya miaka 60 ya Muungano wa Tanganyika na Zanzibar, jana Aprili 24, 2024 watumishi wa Halmashauri ya Mji wa Mbinga kwa kushirikiana na wadau wengine walifanya usafi katika maeneo mbalimbali.

Usafi ulifanywa maeneo ya viunga vya bustani, stendi, ofisi na kwenye mitaro.

Tanganyika na Zanzibar ziliungana April 26, 1964 na hivyo kupelekea kuzaliwa kwa Jamhuri ya Muungano wa Tanzania.

Afisa Afya wa Halmashauri ya Mji wa Mbinga Bw. Felix Matembo alisema: “Wiki  hii yote ni maalumu kwaajili ya kufanya usafi wa mazingira kwaajili ya shehere hizi za miaka 60 ya Muungano.”

Aliongeza: “Hatutaishia wiki hii---zoezi hili litakuwa endelevu maeneo mbalimbali ya mji wetu.”

Kilele cha maadhimisho ya Muungano yenye kauli mbiu ‘Miaka 60 ya Jamhuri ya Muungano wa Tanzania, tumeshikamana na tumeimarika kwa maendeleo ya Taifa letu’, ni Ijumaa ya April 26, 2024.