‎MBINGA MJI YAHITIMISHA ZIARA YA UTAMBULISHO WA MIRADI YA MAENDELEO

Tarehe ya kuwekwa: July 24th, 2025

‎Mbinga. Halmashauri ya Mji wa Mbinga imehitimisha ziara ya siku tatu ya utambulisho wa miradi ya maendeleo kwa wananchi.

‎

‎Katika siku ya mwisho ya ziara hiyo, Kaimu Mkurugenzi wa Halmashauri ya Mji wa Mbinga, Dkt. Kung’e Nyamuryekung’e,  akiambatana na viongozi wengine wametembelea miradi ikiwemo umaliziaji wa maboma ya vyumba viwili vya madarasa katika Shule ya Msingi Tugutu, ambao utagharimu shilingi milioni 25.

‎

‎Vilevile, ujenzi wa madarasa manne na matundu sita ya vyoo katika Shule ya Msingi Lusonga, mradi wenye thamani ya shilingi milioni 107.2, miradi mingine ni pamoja na ujenzi wa madarasa mawili na matundu sita ya vyoo katika Shule ya Msingi Nyerere kwa gharama ya shilingi milioni 49, na ukarabati wa madarasa katika Shule ya Msingi Mbinga unaokadiriwa kugharimu shilingi milioni 132.8.

‎

‎Akizungumza na wananchi wa maeneo husika, Dkt. Kung’e amewataka kujitokeza kwa wingi kushiriki katika utekelezaji wa miradi hiyo kwa pamoja ili kuhakikisha inakamilika kwa wakati.

‎

‎Amesisitiza kuwa ushiriki wa jamii ni msingi muhimu wa kufanikisha maendeleo endelevu na kuboresha huduma za kijamii, hususan sekta ya elimu.

‎