MBINGA MJI YAKUSANYA SHILINGI BILIONI 1.5 KWA MIEZI 6

Tarehe ya kuwekwa: March 13th, 2024

Na Alex Nelson Malanga

Afisa Habari----Mbinga TC

Mbinga. Katika kipindi cha nusu ya kwanza ya mwaka huu wa fedha, Halmashauri ya Mji wa Mbinga imefikia asilimia 59 ya lengo la makusanyo ya mapato ya ndani.

Mkurugenzi wa Halmashauri ya Mji wa Mbinga Bi. Amina Seif alisema wiki iliyopita kuwa katika kipindi cha miezi sita ya mwaka wa fedha 2023/24 (Julai-Disemba), kiasi cha Shilingi bilioni 1.45 kimekusanywa.

Alisema kwa mwaka mzima wa fedha, Halmashauri inatarajia kukusanya kiasi cha Shilingi bilioni 2.476.

“Kutokana na vyanzo vipya vya mapato tulivyo buni, tuna kila sababu ya kufikia lengo la kukusanya Shilingi bilioni 2.476 katika mwaka huu wa fedha,” alisema Bi. Amina.

Kwa mwaka wa sasa wa fedha (2023/24) Halmashauri ya Mji wa Mbinga imekuja na vyanzo vipya vya mapato ambavyo ni maegesho ya magari, mabango ya matangazo, kodi ya majengo na kodi ya ardhi.