MIKOPO KWA VIKUNDI PEMBEZONI MWA MJI WAPEWA KIPAUMBELE HALMASHAURI MBINGA MJI

Tarehe ya kuwekwa: May 25th, 2021

Baraza la madiwani Robo ya tatu Utekelezwaji wa miradi ya maendeleo Kamati ya fedha yatoa kipaumbele kwa vikundi ya uzalishaji mali pembezoni mwa Mji wa Mbinga kupewa Mikopo.

Akijibu changamoto katika utolewaji wa mikopo  kwa vindi , mwenyekiti wakamati hiyo  ambae pia ni mwenyekiti wa baraza  Ndg Kelvin Mapunda amesemakuwa kumekuwa na ongezeko kubwa la vikundi, hivyo  kuwaomba Madiwani hao kushauri kuunganisha baadhi ya vikundi ambavyo vina lengo na vinavyo fanya shughuri zinazo fanana,ili kurahisisha kupata mkopo kwa wakati.

Ameongeza kuwa lazima vikundi vikidhi masharti yakiwemo kuhakikiwa na wataalamu kulingana shughuli husika inavyofanywa na wanakikundi, akitolea mfano wakilimo, basi afisa kilimo atafika katika kuhakiki shughuli au mradi huo na kutoa taarifa kwa afisa maendeleo ya jamii kuendelea na taratibu za  kupata mkopo huo. 

Akizungumza mara baada ya kikao kwa  upande wake Afisa maendeleo ya jamii Bi Cecilia Mbata amewakata wanavikundi kufuata utaratibu na kutimiza masharti ili kupata mkopo kwa wakati. Akitolea mfano wa baaadhi ya vikundi kuomba mkopo wa kilimo hususani mahindi wakati msimu umepita inaleta changamoto hivyo kusisitiza  wanavikundi kuomba mikopo kulingana na msimu kwa wale wanaojihusisha na kilimo

Kwa upande mwingine Bi Cecilia amewaomba vikundi vya  kukopeshana kwa riba  na hisa amabavyo hawajakamilisha usajili wa kielektroniki, kujisajili muda umeisha hivyo mfumo utafungwa ifikapo tarehe 30/Mei amesema marabaada ya kujisajili kikundi kitawasilisha kopi ya katiba na viambata vingine katika ofisi za TEHAMA kwa ajili ya huakiki ili kupata cheti

Na Makangury