MKURUGENZI MBINGA MJI AENDELEA NA ZIARA KUTAMBULISHA MIRADI

Tarehe ya kuwekwa: July 23rd, 2025

Mbinga. Mkurugenzi wa Halmashauri ya Mji wa Mbinga Bi. Amina Sief akiwa ameambatana na wataalam mbalimbali wameendelea kuitambulisha miradi ya maendeleo kwa wananchi.

Ziara hiyo imeendelea leo, tarehe 23 Julai 2025, ambapo miradi kadhaa ya maendeleo imetambulishwa katika kata 3 za halmashauri hiyo.

Miradi hiyo ni Ujenzi wa Shule mpya ya Elimu ya Awali na Msingi katika Shule ya Sekondari Mbambi, unaotarajiwa kugharimu shilingi milioni 314, umaliziaji wa madarasa mawili katika Shule ya Msingi Kitunda kwa gharama ya shilingi milioni 25 na Ujenzi wa Kituo cha Mafunzo kwa Walimu (TRC) katika Shule ya Msingi Matengo kwa gharama ya shilingi milioni 48.

Sambamba na hayo Bi. Amina Seif amezungumza na wanachi wa maeneo hayo akiwataka kujitoa kushiriki kwa pamoja kufanikisha miradi hiyo kwa wakati na kuweza kuisaidia jamii.

Miradi hii ya maendeleo inahusisha pia nguvu za wananchi katika hatua za awali kama uchimbaji wa msingi wa ujenzi wa miradi hiyo.