Mkuu wa Mkoa wa Ruvuma aagiza Hoja za CAG ziwe zinajibiwa kwa Wakati , Mbinga Mji.

Tarehe ya kuwekwa: June 20th, 2023

Akiongea mbele ya Mkutano Maalumu wa Baraza la Madiwani Kujadili Hoja za CAG kwa Mwaka 2021/2022 leo tarehe 20, Juni 2023, Mhe. Mkuu wa Mkoa wa Ruvuma Kanali Laban Thomas amewasihi Watumishi wa Halmashauri ya Mji Mbinga kuwa waadilifu na kufanya kazi kwa ushirikiano  na kwa kadri ya miongozo husika ili kuepuka kuzalisha Hoja mbalimbali zinazojitokeza. Amesisitiza pia kwa zile Hoja zote ambazo bado hazijafungwa wahakikishe ifikapo tarehe 30 ,Septemba 2023,  ziwe zimefungwa na zitakazoonekana bado kuwe na sababu maalumu ya kwanini hazija fungwa mpaka muda huo.

Aidha Mhe. Mkuu wa Mkoa alitoa maelekezo na msisitizo kuwa; Hoja ziwe zinatolewa majibu kwa wakati, Upotevu wa vyanzo vya mapato udhibitiwe, lakini pia Madeni ya wazabuni yalipwe kwa wakati.

sambamba na hayo lakini pia kupitia Mkutano huo Mhe. Mkuu wa Mkoa amemkaribisha Mkurugenzi Mpya wa Halmashauri ya Mji Mbinga Bi. Amina Hamisi Seif na kuahidi kutoa ushirikiano kwake ili kuweza kusukuma gurudumu la maendeleo kwa Wananchi wa Mji wa Mbinga.