MUSE MFUMO MPYA WA KIUHASIBU NI MSAADA MKUBWA KWA WAKURUGENZI NCHINI

Tarehe ya kuwekwa: July 23rd, 2021

Wakurugenzi Mkoani Ruvuma wamepata semina ya  Mfumo mpya wa kiuhasibu (MUSE)  ili uweze kuwasaidia kama wahasibu wakuu katika Halmashauri zao . Akifungua semina hiyo mratibu wa mafunzo hayo kwa Wakurugenzi, Kaimu katibu tawala Mkoa Ndg Joel Mbewa   amesema mfumo huu ni mpya hivyo ni muhimu kwa wakurugenzi  kupata mafunzo hayo ili kuwasaidia katika utekelezaji wa majukumu ya kilasiku katika Halmashauri zao

Awali  Serikali kupitia Halmashauri nchini  imekuwa ikipoteza fedhanyingi katika kugharamia baadhi ya mifumo  ya kiuhasibu na pia mifumo hiyo kuwa na chanagamoto ya kutoweza kufanya kazi na mifumo mingine kwa ufanisi zaidi. Muse ni mfumo wa kiuhasibu ambao umetengenezwa na kuandaliwa na watanzania wazalendo na kwamba mfumo huo utawasaidi wakurungenzi wa Halmashauri nchini katika kuaandaa taarifa na kupitisha malipo mbalimbali ya Serikali.

Kwa upandewao Wkurugenzi wa Halmashauri hizo wameishukuru Serikali kupitia OR Tamisemi kwa kuona umuhimu wa kuwa na mifumo yetu wanyewe ili kuleta tija kwa maslahi mapana ya nchi yetu. “Mfumo huu utasaidi pia kudhibiti mapato na matumizi katika Halmashauri zetu hivyo tunaomba semina hii iwe endelevu kwa kujifunza zaidi ili tuweze kutekeleza majukumu yetu ya kilasiku kwa ufanisi zaidi” walisema Wakurugenzi hao.

Na Makangury