OPERESHENI YA SAFISHA MJI - MBINGA

Tarehe ya kuwekwa: May 30th, 2017

Halmashauri ya Mji wa Mbinga imeanzisha Operesheni Maalumu ya Kusafisha Mji wa Mbinga. Shughuli hiyo imeanza kwa kuondoa taka nyingi zilizozalishwa katika maghuba takribani 18 yanayozunguka Mji wa Mbinga.

Afisa Afya Mji Ndugu Felix  Matembo ambaye ndiye Mratibu wa Operesheni hii muhimu amewaomba wakazi wa Mji wa Mbinga kuunga mkono juhudi za Halmashauri za kusafisha Mji.

     “Zoezi hili ni endelevu na wananchi wa Mbinga wanatakiwa wahakikishe kuwa taka zote zitupwe ndani ya maghuba na sio nje kwani zikitupwa nje zinasababisha kero na kuufanya Mji kuwa mchafu. Wananchi watakaobanika wanatupa taka nje ya ghuba basi hatua kali zitachukuliwa dhidi yao..” alisema Afisa Afya Mji Ndg. Matembo

Halmashauri inatoa wito kwa wananchi wa Mji wa Mbinga kuwa na mazoea ya kufanya usafi katika mazingira yao na kuwa na utaratibu mzuri wa kuhifadhi taka ngumu katika maeneo rasmi yaliyotengwa. Wananchi wanatakiwa kuchangia ada za usafi ili zoezi hili la uondoaji taka liwe endelevu na kufanya Mji wa Mbinga kuwa safi daima.

                                           “ USAFI NI AFYA, SAFISHA MJI WAKO”