RUVUMA YATOA MIKOPO YA SH3.1BILIONI

Tarehe ya kuwekwa: March 8th, 2024

Na Alex Nelson Malanga

Afisa Habari….Mbinga TC

Mbinga. Katika kipindi cha miaka mitatu kiasi cha shilingi bilioni 3.135 kilitolewa kwa vikundi vya wanawake, vijana na watu wenye ulemavu mkoani Ruvuma kama mikopo itokanayo na asilimia kumi ya mapato ya ndani ya Halmashauri.

 Akizungumza Machi 8, 2024 wakati wa maadhimisho ya siku ya Wanawake ambayo kimkoa yalifanyika katika Halmashauri ya Mji wa Mbinga, Mkuu wa Mkoa wa Ruvuma Mhe. Kanali Laban Thomas alisema kiasi hicho kilitolewa kwa vikundi 557 kati ya mwaka wa fedha wa 2020/21 na 2022/23

Alitoa wito kwa wanawake kujiunga kwenye vikundi vyenye tija na kuanzisha shughuli za ujasiriamali zitakazowainua kiuchumi na kuwawezesha kurejesha mikopo.

“Changamoto ya wanawake wengi ni kushindwa kurejesha mikopo. Mnaposhindwa kurejesha huu ni unyanyasaji kwa wakina mama wenzenu kwani mnawanyima fursa ya kukopa,” alisema Mh. Thomas.

Mkuu wa Mkoa aliziagiza halmashauri zote kuendelea kutenga asilimia 10 kutoka mapato ya ndani na kukopesha vikundi vya wanawake, vijana na watu wenye ulemavu pindi utaratibu mpya utakapotolewa na serikali.

Aprili mwaka jana serikali ilisitisha mikopo ya asilimia 10 inayotolewa na Halmashauri hadi hapo utaratibu mwingine utakapotolewa.

RUVUMA YATOA MIKOPO YA SH3.1BILIONI

Na Alex Nelson Malanga

Afisa Habari….Mbinga TC

Mbinga. Katika kipindi cha miaka mitatu kiasi cha shilingi bilioni 3.135 kilitolewa kwa vikundi vya wanawake, vijana na watu wenye ulemavu mkoani Ruvuma kama mikopo itokanayo na asilimia kumi ya mapato ya ndani ya Halmashauri.

 Akizungumza wakati wa maadhimisho ya siku ya Wanawake ambayo kimkoa yalifanyika katika Halmashauri ya Mji wa Mbinga, Mkuu wa Mkoa wa Ruvuma Mhe. Kanali Laban Thomas alisema kiasi hicho kilitolewa kwa vikundi 557 kati ya mwaka wa fedha wa 2020/21 na 2022/23

Alitoa wito kwa wanawake kujiunga kwenye vikundi vyenye tija na kuanzisha shughuli za ujasiriamali zitakazowainua kiuchumi na kuwawezesha kurejesha mikopo.

“Changamoto ya wanawake wengi ni kushindwa kurejesha mikopo. Mnaposhindwa kurejesha huu ni unyanyasaji kwa wakina mama wenzenu kwani mnawanyima fursa ya kukopa,” alisema Mh. Thomas.

Mkuu wa Mkoa aliziagiza halmashauri zote kutenga asilimia 10 kutoka mapato ya ndani na kukopesha vikundi vya wanawake, vijana na watu wenye ulemavu pindi utaratibu mpya utakapotolewa na serikali.

Aprili mwaka jana serikali ilisitisha mikopo ya asilimia 10 inayotolewa na Halmashauri hadi hapo utaratibu mwingine utakapotolewa.