TACTIC KUING'ARISHA MBINGA MJI KWA MIRADI SABA

Tarehe ya kuwekwa: May 20th, 2021

 (TACTIC) KUING'ARISHA MBINGA MJI KWA MIRADI SABA

Akisoma taarifa ya kupokea barua  kuutambulisha mradi  wa TACTIC na wataalamu kutoka OR TAMISEMI  kwa  madiwani , kaimu afisa mipango Mbinga  Mji  Ndg Joseph Mwagama ameliambia baraza hilo kuwa tarehe 15Aprili2021 Halmashauri ya mbinga mji imepokea barua kumbukumbu DMDP/PE/100/1 kutoka kwa Mtendaji mkuu wa Wakala wa barabara Vijijini na Mijini TARURA ambayo inawataka kufanya maandalizi  ya awali ya uibuaji wa miradi ambayo itatekelezwa chini ya mradi huo wa TACTIC (Tanzania Cities Transforming Infrastructure and Competitiveness Project)

Ataivyo tarehe 4 Mai 2021 Halmashauri ilipokea wataalamu kutoka OR TAMISEMI kwaajili ya kutoa ushauri namna ya uibuaji wa miradi kwa kuzingatia malengo ya mradi wa TACTIC sambamba na hayo wataalamu wa Halmashauri (CMT) walikaa na wataalamu hao pamoja na Meneja TARURA wa Halmashauri kujadili mambo mbalimbali ikiwemo lengo la mradi, kupata takwimu muhimu kuhusu mradi na kutembelea maeneo pendekezwa wakishirikiana na  wataalamu kutoka Halmashauri (CMT).

Mradi huo umehainisha baadhi ya  masharti ya kwamba, haitahusisha miradi ya kielimu Afya,pamoja na fidia kwa watakao athilika kwa maeneo yao kupitiwa na moja ya miradi hiyo na Mradi hauta tekelezwa katia eneo lenye mgogoro. Pia mradi huo umeona umuhimu wa kuwashirikisha wadau katika utekelezaji wa mradi huo ili kuleta fulsa kwa wanachi wa Mbinga na wanaruvuma kwa ujumla.  

Miradi hiyo ni ujenzi wa soko la kisasa,ambalo litasaidia kukuza mitaji nakuongeaza mapato katika Halmashauri. Mradi wa pili ni ujenzi wa miundombinu ya barabara kwa kiwango cha lami katika mitaa 26 ndani ya kata 8 za Mji wa mbinga sawa na kilomita 20 katikati ya mji. Mradi watatu ni  ujenzi wa soko la mazao ya kilimo katika kata ya Utili. Mradi wa nne ni  ujenzi  wa Maegesho ya  Malori Lusaka,

Kituo kikuu cha Mabasi Mbinga eneo la Mhekela na Mradi wa Uandaaji wa Mpango wa Matumizi bora ya Ardhi (Master Plan)  na Mradi wa mwisho ni Uimarishaji wa usafi na uondoaji taka  

Ataivyo baraza limepokea taarifa hiyo kwa mikono miwili na kuwaomba wataalamu wa  Halimashauri kushirikiana na Madiwani ili kubainisha maeneo pendekezwa kwa usahii ili kuepuka changamoto zitakazoweza kujitokeza marabaada ya mradi miradi hiyo kukamilika      

Na  Makangury