TRA WILAYA YA MBINGA YAVUKA MALENGO MAKUSANYO MAPATO KWA MWAKA WA FEDHA JULAI 2024 HADI MACHI 2025

Tarehe ya kuwekwa: April 24th, 2025

Kiasi cha Tshs Bilioni 8.3 kimeweza kukusanywa na Mamlaka ya amapato Tanzania Wilaya ya Mbinga TRA kwa mwaka wa fedha unaonza Julai 2024 hadi Machi 2025.

Akitoa taarifa ya makusanyo ya Mapato  Leo Aply 24  katika kikao cha bara za la biashara la Wilaya ya Mbinga, Meneja TRA Wilaya ya Mbinga Ndg; Anatory Muganda amesema, makusanyo hayo ni sawa na ufanisi wa asilimia 107.8 na kwamba wameweza kuvuka malengo, ambapo makadirio ya makusanyo yalikuwa ni kiasi cha Tshs Bilioni 7.7.

Baraza hilo likiongozwa na katibu tawala wa Wilaya Bi: Pendo Daniel kwaniaba ya Mkuu wa Wilaya, lililo hudhuliwa na wadau mbalimbali walipa kodi, baadhi ya wafanyabiashara, Taasisi mbalimbali, Jumuiya ya Wafanyabiashara maafisa wataalamu wa biashara kutoka Halmashuri zote mbili pamoja na Wakurugenzi.

Atahivyo Makusanyo hayo yamechangiwa na Utoaji elimu ya kodi kwa walipa kodi wakubwa na wadogo juu ya Umuhimu wa kulipa kodi kwa wakati, Usajili wa walipakodi wapya ambapo kwa mwaka wa fedha wa 2024/2025 walisajiliwa walipakodi wapatao 437. Utaratibu mzuri wa kuwashawishi walipa kodi wenye madeni kulipa madeni hayo kwa wakati.

Amesema ushirikiano mzuri uliopo baina ya Taasisi hiyo na wadau wengine ikiwemo ofisi ya Mkuu wa Wilaya, Halmashauri zetu za Wilaya ya Mbinga , Wafanyabiashara na taasisi zingine, uwajibikaji na uweledi wa wafanyakazi katika  kutoa huduma mbalimbali ambazo zimeleta ufanisi mkubwa wa makusanyo ya kodi. 

 Kwa upande mweingine Ndg: Muganda amewashukuru wadau mbalimbali wa kodi Wilaya ya Mbinga, Ikiwemo Ofisi ya Mkuu wa Wilaya, Wafanya biashara, maafisa biashara wa Halmashsuri zote za Wilaya, Jumuiya ya Wafanya biashara na taasisi za Serikali kwa Ushirikiano walioutoa kwa Taasisi hiyo.   

Na Makangulya