VITENDEA KAZI VYA MAAFISA UGANI VYAKABIDHIWA HALMASHAURI YA MJI MBINGA

Tarehe ya kuwekwa: November 4th, 2024

Erasto George

Mbinga. Mwenyekiti wa Halmashauri ya Mji wa Mbinga Mhe. Kelvin Mapunda amemkabidhi Pikipiki 9 na Vishikwambi 35 kwa Mkurugenzi wa Halmashauri hiyo Bi. Amina Seif ili awakabidhi Maafisa Ugani wa Halmashauri hiyo kwa niaba ya Mhe. Rais wa Jamhuri ya Muungano wa Tanzania Dkt. Samia Suluhu Hassan.

Mhe. Mapunda amemshukuru Rais wa Jamhuri ya Muungano wa Tanzania Dkt. Samia Suluhu Hassan na kuahidi vitendea kazi hivyo vitafanya kazi iliyokusudiwa.

Amemuagiza Mkurugenzi wa Halmashauri ya Mji wa Mbinga Bi. Amina Seif  kuhakikisha Pikipiki hizo zinafanya kazi iliyokusudiwa na watumishi ambao wamepewa vifaa hivyo waweze kuvitunza.

Katika Halfa hiyo Mhe. Kelvin Mapunda amekabidhi gari moja  kwaajili ya shughuli za ufuatiliaji wa maswala ya Afya katika Hospitali ya Mji Mbinga.

Kwa upande wake Mkurugenzi wa Halmashauri ya Mji wa Mbinga Bi. Amina Seif amemshukuru Mhe. Rais wa Jamhuri ya Muungano wa Tanzania Dkt. Samia Suluhu Hassan kwa kazi nzuri anayoifanya kwa kuleta miradi ya maendeleo na vitendea kazi.

“Nakuahidi Mhe. Mwenyekiti wa Halmashauri yetu vitendea kazi hivi vitatunzwa na kufanya kazi inayostaili,” alisema  Bi. Amina Seif.