WAJASIRIAMALI MBINGA MJI WAELIMISHWA MATUMIZI SAHIHI YA KEMIKALI

Tarehe ya kuwekwa: September 5th, 2024

Mbinga. Maafisa kutoka Ofisi ya Mkemia Mkuu wa Serikali wametoa elimu kwa wajasiriamali Halmashauri Ya Mji wa Mbinga juu ya matumizi sahihi ya kemikali.

Elimu hiyo  ilitolewa  katika ukumbi wa wazi ndani ya  jengo la Halmashauri ya Mji wa Mbinga imeongozwa na Meneja wa Mamlaka ya Maabara ya Mkemia mkuu wa Serikali kanda ya kusini Bi. Hadija S. Mwema.

Meneja wa Mamlaka ya Maabara ya Mkemia Mkuu kanda ya Mashariki Danstan Mkapa amewaomba wajasiriamali kuzingatia matumizi sahihi ya kemikali na uhifadhi wa kemikali kutokana na madhara yake.

Pia amewashauri wajasiriamali hao wanaotumia kemikali kujisajili ili kuweza kutumia kemikali hizo.

“Kama mtumiaji wa kemikali unatakiwa kuzingatia uhifadhi wa kemikali hizo kama kutolala nazo chumbani kutokana na madhara yake”, amesema Bw. Mkapa.

Aidha, Mkemia Happiness Ndunguru amewataka wajasiriamali kuchukua hatua stahiki  za kujikinga na kemikali na kuhakikisha wanajisajili SIDO pamoja na Ofisi ya Mkemia Mkuu wa Serikali ili kujiridhisha usalama wa kemikali hizi.

“Mnatumia kemikali kutengenezea vitu kama sabuni, batiki na vingine ni muhimu kuhakikisha utunzaji mzuri wa kemikali hizo kwa usalama wa Afya zenu,.” amesema Bi. Happiness

Kwa upande wa Mteknolojia wa Maabara Loveness Lawrence amewataka wajasiriamali kudhibiti kemikali bashirifu ambazo kwa kiasi kikubwa pia zinatumika kutengeneza madawa ya kulevya.

"Tunatakiwa kudhibiti kemikali bashirifu ambazo zina hatari na hubadilishiwa matumizi na kutengeneza madawa ya kulevya kama Heroine na cocaine” amesema Bi. loveness