WAKULIMA MBINGA WATUMIE KILIMO CHA KISASA ILI KUONGEZA SOKO LA BIDHAA

Tarehe ya kuwekwa: August 10th, 2023

Mkuu wa wilaya ya Mbinga Bi Aziza Mangosongo amehairisha rasmi maonesho ya nane nane yaliyokuwa yakiendelea katika viwanja vya  Aziza Ally  Mangosongo vilivyopo Kata ya Amani Makolo Mkoani Ruvuma

Akizungumza katika maonesho hayo Mkuu wa Wilaya kwa kushirikiana na viongozi mbalimbali kutoka maeneo tofauti tofauti ndani ya Mkoa na nje ya Mkoa  amewataka wakulima na wananchi kuendelea kujitokeza katika kuendelea kulitumia eneo hilo la Maonyesho kwa shughuli mbalimbali pamoja na kujifunza namna bora ya uzalishaji wa mazao ya kisasa ambayo yataongeza thamani katika soko. 

Hata hivyo mkuu wa Wilaya amezipongeza Taasisi na Tarafa mbalimbali za Wilaya ya Mbinga na Mbinga Mji kwa kuweza kujitokeza kwa wingi. Pia baadhi ya tarafa zimeweza kufanya vizuri katika uandaaji na umalizaji mzuri wa maonesho hayo ikiwa pamoja na ugawaji vyeti vya ushindi kwa washiriki waliofanya vizuri katika maenesho hayo.

Aidha amewataka viongozi wa  Kata ya Amani Makolo kuweza kuwapa fursa wananchi wa maeneo hayo kutumia viwanja hivyo kwa shughuli za kibashara alimaarufu kama minada na kuweka stendi ya mabasi ili kuweza kuzoea eneo hilo na kuepukana changamoto kwaajili ya  mwakani.

Sanjari na hayo Mkuu wa Wilaya amemaliza kwa kutoa wito kwa washiriki wote pia wananchi kuendelea  kutembelea maeneo hayo  ili kuendelea kujifunza namna bora ya kilimo na ufugaji ili kuleta tija katika Wilaya na Taifa kwa ujumla