Wakulima wa kahawa Mbinga na Nyasa wapata Soko la Moja kwa Moja

Tarehe ya kuwekwa: February 17th, 2023

Serikali Mkoani Ruvuma imewahakikishia wakulima na wazalishaji wa kahawa Wilaya za Mbinga na Nyasa, kupata masoko ya ukakika ya  moja kwa moja  ya zao hilo kwa Makampuni kutoka Mataifa ya  Urusi, China na Nchi za Kiarabu (Dubai) kwa msimu huu wa kilimo.

Uhakika huo ametolewa leo na  Mbunge wa Mbinga Mjini Mhe; Jonas Mbunda katika kikao cha wadau wa zao la Kahawa kilichoshirikisha Wilaya hizo mbili za Mkoa wa Ruvuma kilichofanyika katika ukumbi wa  Oddo Mwisho Halmashauri ya Mji Mbinga.

Sambamba na hilo kwa namna ya pekee Mkurugenzi wa  Halmashuri ya Mji wa Mbinga  Bi Grace Quintine pia alipata wasaa wa kuwatambulisha wageni wanunuzi wa zao hilo kutoka nchi za Kiarabu  ( Dubai ),Urusi na China, nakusema wageni hao wamepatikana kwa jitihada za waheshimiwa wabunge Jonas Mbuna na  Mbunge viti maalumu songea Mjini Jackline Msongozi kuendelea kutafuta masoko kwa wakulima hapa nchini hususani katika Mkoa wa Ruvuma kwenye zao la Kahawa.

Kwaupande mweingine wageni hao wamesema,wamefurahi kuwepo katika mkutano huo na kwamba nimoja ya njia ya kufahamiana hususani kiabiashara hasa katika zao la kahawa, na  kwa sasa dunia inahitaji wakulima na wazalishaji kahawa kwa njia ya asili na sio ya kutumia mbolea za  kemikali, hivyo wakotayari kununua kahawa iliopo kwa sasa  kwa nchi za kiarabu ( Dubai ). Mataifa kama Urusi na china wanahitaji kahawa  isiyotumia mbolea zenye  kemikali.

Na Makangury