WANAFUNZI WASIO RIPOTI MASHULENI MSAKO NYUMBA KWA NYUMBA MBINGA MJI

Tarehe ya kuwekwa: May 27th, 2021

WANAFUNZI AMBAO HAWAJARIPOTI MASHULENI HADI SASA MSAKO NYUMBA KWA NYUMBA MBINGA MJI

Akipokea repoti ya lishe Mashuleni Mkuu wa wilaya Mbinga Mji Ndg Cosmas Nshenye amewakata watendji kuandaa utaratibu wa uchangiaji wa chakula mashuleni  wakishirikiana na kamati za chakula mashuleni katika kata zao. Aidha ameongeza kuwa watendaji  wapo kama serikali  kazi yao ni kuleta unafuu kwa wananchi katika kutoa huduma.

Sambamba na hayo Mkuu huyo wa Wilaya ametoa wito kwa watendaji hao kutekeleza sheria kama watendaji katika kata kwakua wao ndio wakurugenzi katika kata zao. Atahivyo amemtaka  Afisa lishe kuandaa muongozo  wa lishe bora kwa wanafunzi ili kusaidia chakula mashuleni na watendaji wakalisimamie zoezi hilo.

Kwa upande wao watendaji kata wamewataka wakuu wa idara na maafisa elimu kufanya kazi kwa kushirikiana, kutambua nafasi walizonazo katika kata,  ili kuepusha migongano katika kutekeleza majukumu yao na kuimarisha ufanisi wa kazi zao.

Akihoji swala  la wanafunzi ambao mkasasa hawaja ripoti mashuleni Mkuu huyo wa Wilaya amewataka  watendaji na maafisa elimu kata kutoa sababu  na haatua gani wamechukua dhidi  ya wanafunzi 296 ambao  hawajaripoti katika shule walizo pangiwa.  Wakijibu hoja  hiyo kwa upande wao, watendaji na maafisa elimu ngazi ya kata wamemweleza Mkuu huyo wa Wilya kuwa, wapo wanafunzi  waliojiunga  na shule binafsi na wengine kwenye vyuo mbalimbali.

 Pamoja na kutokuwa na hakika  kama kweli wamesajiliwa,viongozi hao wame mwakikishia Mkuu wa Wilaya kulifuatilia  na kuazimia kupita kaya kwa kaya  katika kata zao  wakishiriliana na maafisa elimu kata, kwa kuwa wao wana majina ya wanafunzi hao na taarifa zao

Kwa upande wake kaimu Mkurugenzi Ndg Donard Msigwa amesisitiza kuwa pamoja na ushauri mzuri wa Mkuu wa Wilaya amewaomba watendaji kata kutofanya kazi  kwa mazoea na kuchambua mambo pasiwe na kupisha jambo bila kuhoji.

  Na Makangury