ZAIDI YA MILIONI 655 KUJENGA SHULE MPYA NA NYUMBA YA MWALIMU MBINGA MJINI

Tarehe ya kuwekwa: July 12th, 2023

Halmashauri ya Mji Mbinga imepokea fedha jumla ya  kiasi cha Shilingi Milioni 655,552,827.00 ikiwa ni kwaajili ya ujenzi wa shule mpya ya sekondari ya Kata (Tshs 560,552,827.00) na nyumba  ya mwalimu  “Two In One” (Tshs 95,000,000.00/=) kupitia mradi wa SEQUIP.

Shule ya sekondari itajengwa katika Kata ya Matarawe Mbinga mjini ambapo; kutakuwa na ujenzi wa vyumba vya madarasa 4 na ofisi 1, Jengo la Utawala 1, Maabara za Kemia, Bailojia na Fizikia, Maktaba, Chumba cha TEHAMA, Ujenzi wa Vyoo, Kichomea Taka pamoja na Tanki la Maji.

Nyumba ya Mwalimu(2 in 1) itajengwa katika Shule ya sekondari ya Lusonga iliyopo Kata ya Lusonga Mbinga mjini.

Mkurugenzi wa Halmashauri ya Mji Mbinga Bi. Amina Seif amemshukuru Mhe. Dkt Samia Suluhu Hassan kwa kuendelea kuboresha miundombinu ya elimu na kuahidi kuwa fedha hizo zitatumika kama ilivokusudiwa na kuhakikisha kabla ya tarehe 30, Oktoba 2023, ujenzi wa Miundombinu hiyo utakuwa umekamilika.