SIKU YA MTOTO WA AFRIKA 2017 MBINGA MJI

Kila mwaka tarehe 16 Mwezi wa 6 Watoto wote Afrika huadhimisha siku ya Mtoto wa Afrika ikiwa ni Sehemu ya kumbukumbu ya kuwakumbuka Watoto wenzetu waliouawa kikatiri huko Soweto Afrika kusini walipokuwa wakiandamana kwa amani kupinga utawala wa kibaguzi uliokuwa ukiendeshwa na Makaburu. Katika siku hii watoto hutumia fursa hii kufikisha ujumbe kwa jamii juu ya masuala mbalimbali yanayohusu malezi, makuzi, matunzo ulinzi na usalama wa watoto.

Halmashauri ya Mji Mbinga Haiko nyuma katika kuungana na Watoto kuadhimisha siku hii muhimu katika kumbumbu ya kihistoria. Maadhimisho hayo kwa Halmashauri ya Mji Mbinga yanafanyika katika Kijiji cha Luwaita. Mgeni rasmi ni Ndg. Julius Mwakafwila ambaye ni Afisa Mipango Miji wa Mji wa Mbinga.

Kauli mbiu ya Siku ya Mtoto wa Afrika mwaka 2017 ni

 “MAENDELEO ENDELEVU 2030 : IMARISHA ULINZI NA FURSA SAWA KWA WATOTO”