MILIONI 330 KUSAIDIA UPIMAJI MAKAZI MBINGA MJI

Tarehe ya kuwekwa: September 16th, 2021

 Mkurugenzi wa Halmashauri ya Mji wa Mbinga Bi Grace Quintine  amewataka watenji wa kata waendelee kusubiri maelekezo kutoka kwa afisa ardhi ili kupata utaratibu wa vibali ambao utasaidia kuwa na mpango mzuri wa Mji wa Mbinga, Bi Grace ameyasema hayo apokuwa akitoa ufafanuzi juu ya vibali vya makazi katika Mkutano wa baraza la madiwani robo ya nne aprili-juni 2021 kilicho fanyika tarehe 15 septemba 2021 katika Halmashuri hiyo. Hatahivyo kiasi cha Tshs.milioni 330 itatolewa katika Halmashauri hiyo kwa ajili upimaji wa viwanja elfu mbili, ambapo maazimio kwa watendaji kusimamia utekelezaji ili Halmashauri iweze kuendelea

 Pamoja na  kushiriki katika kusimamia miradi ya maendeleo Madiwani katika Halmashauri ya Mji wa Mbinga wametakiwa kushiriki katika swala la ulinzi na usalama katika wilaya yao. Hayo yamesemwa na Mkuu wa Wilaya ya Mbinga Mhe Aziza Ally Mangosongo alipokuwa akihutubia katika kikao cha baraza la Madiwani cha robo ya nne, aprili na juni 2021 kikao kilicho fanyika tarehe 14 Septemba 2021. Kwa upande mwingine Mhe Aziza amewataka Madiwani kuchukua taadhari juu ya Uviko 19 kuwaamasisha watu na wao Madiwani kujitokeza kupata chanjo ili kujikinga na maambukizi .

Mhe Aziza amewataka Madiwani kushirikiana kutokomeza swala la Magoma swala ambalo kwa kiasi kikubwa linamuumiza mkulima na kupunguza mapato ,hivyo  kusisitiza usimamiaji  na kubuni vyanzo vipya vya ukusanyaji wa mapato. Hatahivyo amewakumbusha viongozi hao wa kata kua usafi wa mazingira liwe swala endelevu pamoja na pongezi tulizozipata katika mbio za Mwenge bado kuna maeneo kama sehemu za mitalo ya barabara ni michafu hivyo tuendelee kuwaimiza watendaji wetu kufanya usafi wa mazingira

Mhe Aziza amewata madiwani na wao kushiriki katika mazoezi jambo amabalo litawasaidi kuwajenga kiafya na kuepukana na magonjwa yasio ambukiza hivyo kuwa na watendaji wenye nguvu na afya na ufanisi katika kazi. Ikubukwe hivi karibuni Mkuu huyo wa Wilaya alianzisha utaratibu wa kufya mazoezi kwa wakuu wa idara na taasisi za Serikali  kwa kutii agizo la Mhe Rais Samia Suruhu Hasani ya kutenga siku ya kufanya mzaoezi .    

 Akitoa taarifa ya mipango na utekelezaji wa shughuli wa TARURA kwa mwaka wa fedha 2021/2022 Meneja Tarura Eng. Ismail Mafita amesema ,TARURA Halmashauri wa Mji wa Mbinga ina barabara jumla 1,063.51 km kati ya hizo 6.84 km ni za lami, 58.65 km changarawe na 998.02 km udongo. 327.77 km ni za mjazio na 216.67 mkusanyiko. Hali ya barabara si nzuri kwani sehemu kubwa ni za udongo, takribani 18.9% ndio barabara ambazo zipo katika hali nzuri na wastani. Katika mwaka wa fedha 2021/2022, TARURA Mbinga Mji imetoa Tsh. bilioni 1.9 kwa ajili ya ukarabati na ujenzi wa barabara na madaraja pamoja na usimamizi. Tsh. 857,850,000 barabara za kawaida na madaraja Tsh. 500,000,000 ni nyongeza kwa ajili ya matengenezo hayo.

Mpango utahusu uibuaji wa miradi ya barabara na madaraja katika kata za Halmashauri ya Mji wa Mbinga katika kipindi cha miaka minne kuanzia mwaka wa fedha 2022/2023 hadi 2025/2026.                 Pia utahusu matengenezo ya barabara za kawaida na ujenzi wa madaraja, ujenzi wa barabara changarawe, lami na kufungua barabara mpya ambazo hazipo katika mtandao wa wakala.

 TARURA Halmashauri ya Mji wa Mbinga inaomba uongozi wa kata kupitia waheshimiwa Madiwani na watendaji wa kata  kwa Kuibua na kuandaa miradi itakayopunguza kero za miundombinu ya barabara na madaraja kuhakikisha miradi inachaguliwa kulingana na mahitaji kwa uwiano kati ya eneo moja na lingine, barabara na madaraja yanayohudumia sehemu za kijamii uzalishaji na uendelezaji wa uchumi, orodha ya miradi inayopendekezwa na kukubalika iwekwe katika mtiririko wa vipaumbele na vifuatane kulingana na umuhimu, pia miradi itayopendekezwa iwasilishwe kwa meneja TARURA.

Nae Mwenyekiti wa Halmashauri hiyo Ndg Kelvn Mapunda amweataka madiwani  kuweka vikao na viongozi wa kata iliakuya bainisha maeneo muhimu ya vipaumbele vya miradi ili kuweza kuzitatua changamoto za wanachi. Kwa upande mwingine Mbunge wa Mbinga Mjini Mhe Jonas W Mbunda  amewataka wataalamu na viongozi kuwaandaa taarifa sahii ili kuweza kujua changamoto za wananchi na kuzitatua

Na Makangury