MSIMAMIZI WA UCHAGUZI WA HALMASHAURI YA MJI WA MBINGA ATOA MAELEKEZO KUELEKEA UCHAGUZI WA SERIKALI ZA MITAA

Tarehe ya kuwekwa: September 26th, 2024

Mbinga. Msimamizi wa Uchaguzi wa Halmashauri ya Mji wa Mbinga Bi. Amina Seif amefanya kikao cha kutoa maelekezo kuelekea Uchaguzi wa Serikali za Mitaa unaotajiwa kufanyika tarehe 27 Novemba 2024.

Maelekezo hayo yanayofafanua hatua zitakazoongoza mchakato wa uchaguzi, undikishwaji wa wapiga kura, uchukuaji na urejeshaji wa fomu za kugombea, Uteuzi wa wagombea na tarehe ya siku ya Uchaguzi

Kikao hicho kimefanyika katika ukumbi wa Oddo Mwisho uliopo ndani ya Halmashauri hiyo, kimewashirikisha Vyama vya Siasa, viongozi wa dini na wadau mbalimbali. 

“Viongozi wa Vyama vya Siasa na wadau naombeni mkawe mabalozi katika Kuwaeleza wananchi umuhimu juu kujitokeza kujiandikisha na kushiriki kikamilifu katika zoezi la Uchaguzi wa Serikali za mitaa”. amesema Bi. Amina Seif.