MWENYEKITI MJI MBINGA AWATAKA MACHIFU KUENDELEZA UMOJA

Tarehe ya kuwekwa: August 19th, 2024

Na Erasto George & Halima Rashid

Mbinga. Mwenyekiti wa Halmashauri ya Mji wa Mbinga Mhe. Kelvin Mapunda amewataka machifu wa Wilaya ya Mbinga kuendeleza umoja na mshikamano.

Mhe. Mapunda alitoa wito huo mwishoni mwa wiki jana alipokutana na machifu wa Wilaya ya Mbinga ofisi kwake.

“Tutandaa utaratibu mzuri ndani ya Halmashauri ili tuone namna ya kuwaalika kwenye vikao vyetu vya baraza," alisema Mhe. Mapunda.

Aliongeza: "Hii itatusaidia  kuleta muunganiko wa pamoja hasa pale baadhi ya mambo yanapohitaji busara za wazee."

Mh. Mapunda aliongeza kuwa ushirikiano utaisaidia Halmashauri kwenda mbele.

Mkurugenzi wa Halmashauri ya Mji wa Mbinga Bi. Amina Seif aliwashukuru wazee hao na kuwaomba wazidishe ushirikiano.

“Naomba ushirikiano wenu ili tuijenge Halmashauri yetu. Nawakaribisha sana ofisini kwangu, kwa jambo lolote lile,” alisema Bi. Amina.

Chifu wa wamatengo Wilaya ya Mbinga Bi. Joani Mweghee aliahidi kuwa yeye  pamoja na wasaidizi wake watafanya kazi kwa ukaribu na timu ya wataalamu wa  Halmashauri.